თანამედროვე შრომის ბაზარი გლობალური ტრანსფორმაციის პროცესშია. ტექნოლოგიური რევოლუცია, ეკონომიკური რყევები და სოციალური ცვლილებები მნიშვნელოვნად ცვლის იმას, თუ როგორ ვმუშაობთ, რა უნარებია საჭირო წარმატებისთვის და როგორ უნდა მოვემზადოთ მომავლის გამოწვევებისთვის. მსოფლიო ეკონომიკური ფორუმის (World Economic Forum – WEF) “Future of Jobs Report 2025”  წარმოადგენს კვლევას, რომელიც ძირეულად იკვლევს ამ ტენდენციებს და გვთავაზობს კონკრეტულ რეკომენდაციებს.

კვლევის მასშტაბი და მეთოდოლოგია

“Future of Jobs Report 2025” არის მასშტაბური კვლევა, რომელიც მონაწილეობა მიიღო 1000-ზე მეტმა გლობალურმა დამსაქმებელმა. ეს კომპანიები წარმოადგენენ:

  • 22 სხვადასხვა ინდუსტრიულ სექტორს
  • 55 ქვეყნის ეკონომიკას
  • 14 მილიონზე მეტი დასაქმებულის პერსპექტივას

კვლევის ძირითადი მიგნებები

WEF-ის კვლევა რამდენიმე საკვანძო მიმართულებაზე ამახვილებს ყურადღებას:

  1. ტექნოლოგიური რევოლუციის გავლენა: ხელოვნური ინტელექტი (AI), მანქანური სწავლება (ML), დიდი მონაცემები (Big Data), რობოტიზაცია და ავტომატიზაცია ფუნდამენტურად ცვლის სამუშაო ადგილების სტრუქტურას. ზოგიერთი პროფესია ქრება ან მნიშვნელოვნად ტრანსფორმირდება, ამავდროულად ახალი პროფესიები ჩნდება.
  2. ეკონომიკური და გეოპოლიტიკური ფაქტორები: გლობალური ინფლაცია, მიწოდების ჯაჭვის შეფერხებები, სავაჭრო ომები და გეოპოლიტიკური არასტაბილურობა მკვეთრ გავლენას ახდენს ბიზნესზე. კომპანიები ეძებენ თანამშრომლებს, რომლებსაც შეუძლიათ სწრაფად ცვალებად გარემოში ადაპტირება.
  3. მწვანე ეკონომიკის ზრდა: გარემოსდაცვითი საკითხები სულ უფრო მნიშვნელოვანი ხდება. იზრდება მოთხოვნა განახლებადი ენერგიის წყაროების სპეციალისტებზე, ეკოლოგებზე და პროფესიონალებზე, რომლებსაც შეუძლიათ ბიზნესის მდგრადი განვითარების ხელშეწყობა.
  4. დემოგრაფიული ცვლილებები: მსოფლიოში მოსახლეობის საშუალო ასაკის ზრდა, რაც განპირობებულია შობადობის შემცირებითა და სიცოცხლის ხანგრძლივობის მატებით, იწვევს მაღალ მოთხოვნას ჯანდაცვისა და სოციალური მომსახურების სფეროში. ამავდროულად, იზრდება მოთხოვნა განათლების სექტორის პროფესიონალებზე, რომლებსაც უწყვეტი სწავლების (lifelong learning) მხარდაჭერა შეუძლიათ.
  5. სამუშაო ადგილების ტრანსფორმაცია: კვლევის პროგნოზით, 2030 წლისთვის სამუშაო ადგილების 22% მნიშვნელოვნად შეიცვლება. შეიქმნება 170 მილიონი ახალი სამუშაო ადგილი, მაგრამ ამავდროულად, 92 მილიონი პროფესია გაქრება ან რადიკალურად ტრანსფორმირდება.
  6. უნარების დეფიციტი: კომპანიების 85% აღნიშნავს, რომ მათთვის ყველაზე დიდი გამოწვევაა კვალიფიციური კადრების მოძიება და არსებული თანამშრომლების გადამზადება. მსოფლიო ეკონომიკური ფორუმის (WEF) კვლევის მიხედვით, 2025-2030 წლებში გარკვეულ უნარებზე მოთხოვნა მნიშვნელოვნად გაიზრდება. სწრაფი ტექნოლოგიური პროგრესი, ბიზნესის ტრანსფორმაცია და გლობალური ეკონომიკური ტენდენციები ამ კომპეტენციების მნიშვნელობას კიდევ უფრო ზრდის. ქვემოთ წარმოდგენილია იმ უნარების ნაწილი, რომლებიც კვლევის თანახმად, სამუშაო ბაზარზე ყველაზე მოთხოვნადად მიიჩნევა. თითოეული უნარის აღწერის შემდეგ, დამატებითი რეკომენდაციების სახით, მოცემულია კონკრეტული უნარ-ჩვევები და BDO Academy-ის შესაბამისი კურსები .
  1. მონაცემთა ანალიზი და ვიზუალიზაცია:
  • რატომ არის მნიშვნელოვანი: მონაცემები თანამედროვე ბიზნესის “საწვავია”. კომპანიები აგროვებენ უზარმაზარ მონაცემებს მომხმარებლების, ბაზრის ტენდენციებისა და ოპერაციების ეფექტურობის შესახებ. ამ მონაცემების სწრაფი ანალიზითა და ინტერპრეტაციით მიიღება ინფორმირებული გადაწყვეტილებები, უმჯობესდება პროდუქტები და სერვისები, იზრდება კონკურენტუნარიანობა.
  • კონკრეტული უნარები:
    • Power BI და Tableau: ეს არის წამყვანი პროგრამული უზრუნველყოფა მონაცემთა ვიზუალიზაციისთვის. ისინი საშუალებას გაძლევთ შექმნათ ინტერაქტიული დაფები (dashboards) და ანგარიშები, რომლებიც ნათლად წარმოაჩენენ მონაცემებში არსებულ ტენდენციებსა და კანონზომიერებებს.
    • SQL და მონაცემთა ბაზები: SQL (Structured Query Language) არის სტანდარტული ენა მონაცემთა ბაზებთან ურთიერთობისთვის. მისი ცოდნა აუცილებელია მონაცემების მოძიების, დამუშავებისა და ანალიზისთვის.
    • Excel-ის მოწინავე ფუნქციები: Excel რჩება ერთ-ერთ ყველაზე გავრცელებულ ინსტრუმენტად ბიზნესში. მისი მოწინავე ფუნქციების (მაგ., Pivot Tables, VLOOKUP, Macros) ცოდნა მნიშვნელოვნად აუმჯობესებს მონაცემებთან მუშაობის ეფექტურობას.
    • სტატისტიკური ანალიზი: მონაცემთა ანალიზისთვის აუცილებელია სტატისტიკის საფუძვლების ცოდნა, რათა სწორად იქნას ინტერპრეტირებული შედეგები და თავიდან ავიცილოთ შეცდომები.
  • BDO Academy-ის კურსი: მონაცემთა ვიზუალიზაცია, მასტერი MS Excel-ში 
  1. ხელოვნური ინტელექტი (AI) და კიბერუსაფრთხოება:
  • რატომ არის მნიშვნელოვანი: AI სულ უფრო მეტად ინტეგრირდება ბიზნესის ყველა სფეროში – მარკეტინგიდან და გაყიდვებიდან დაწყებული, წარმოებითა და ლოჯისტიკით დამთავრებული. AI-ს შეუძლია დაამუშაოს ავტომატურად რუტინული ამოცანები, გააუმჯობესოს გადაწყვეტილების მიღების პროცესი, შექმნას ახალი პროდუქტები და სერვისები. ამავდროულად, კიბერშეტევების რისკი მუდმივად იზრდება, რაც კომპანიებს აიძულებს, ინვესტიციები ჩადონ კიბერუსაფრთხოებაში.
  • კონკრეტული უნარები:
    • AI და მანქანური სწავლება (ML): გულისხმობს ალგორითმების შექმნას, რომლებიც კომპიუტერულ სისტემებს აძლევს საშუალებას, ისწავლონ მონაცემებზე დაყრდნობით, შეძლონ პროგნოზირება ან გადაწყვეტილებების მიღება დამოუკიდებლად.
    • პროგრამირების ენები (Python, R): ეს ენები ფართოდ გამოიყენება AI და ML პროექტებში.
    • ქსელური უსაფრთხოება: ითვალისწინებს ქსელების, კომპიუტერული სისტემებისა და მონაცემების დაცვას არაავტორიზებული წვდომის, კიბერშეტევებისა და დაზიანებისგან.
    • ინფორმაციის უსაფრთხოების მართვა: ეს მოიცავს უსაფრთხოების პოლიტიკის შემუშავებას და განხორციელებას, რისკების შეფასებას და უსაფრთხოების ინციდენტებზე რეაგირებას.
  • BDO Academy-ის კურსი: კიბერ და ინფორმაციული უსაფრთხოება
  1. ფინანსური ანალიზი და სტრატეგიული დაგეგმვა:
  • რატომ არის მნიშვნელოვანი: კომპანიებს სჭირდებათ პროფესიონალები, რომლებსაც შეუძლიათ ფინანსური მონაცემების ანალიზი, ბიზნესის ეფექტურობის შეფასება, ინვესტიციების მართვა და გრძელვადიანი სტრატეგიული გეგმების შემუშავება.
  • კონკრეტული უნარები:
    • ფინანსური მოდელირება: ეს მოიცავს ფინანსური მოდელების შექმნას, რომლებიც ასახავს კომპანიის ფინანსურ მდგომარეობას და საშუალებას იძლევა, გაკეთდეს პროგნოზები მომავლის შესახებ.
    • IFRS სტანდარტების ცოდნა: ფინანსური ანგარიშგების საერთაშორისო სტანდარტების (IFRS) ცოდნა აუცილებელია ფინანსური ანგარიშგების სწორად შედგენისა და ინტერპრეტაციისთვის.
    • ბიუჯეტირება და პროგნოზირება: ეს მოიცავს ბიუჯეტის შედგენას, ხარჯების კონტროლს და ფინანსური შედეგების პროგნოზირებას.
    • ინვესტიციების ანალიზი: ეს მოიცავს საინვესტიციო პროექტების შეფასებას, რისკების ანალიზს და საინვესტიციო გადაწყვეტილებების მიღებას.
  • BDO Academy-ის კურსები: CFA , ფინანსური ანალიზი
  1. პროექტების მართვა და Agile მიდგომები:
  • რატომ არის მნიშვნელოვანი: თანამედროვე ბიზნეს გარემო სწრაფად ცვალებადია. კომპანიებს სჭირდებათ პროექტების ეფექტურად მართვა, რათა სწრაფად  ასიმილირდნენ ცვლილებებზე, შეამცირონ რისკები და მიაღწიონ დასახულ მიზნებს. Agile და Scrum მეთოდოლოგიები ფართოდ გამოიყენება პროექტების მართვაში, რადგან ისინი უზრუნველყოფენ მოქნილობას, ადაპტირებას და გუნდურ მუშაობას.
  • კონკრეტული უნარები:
    • Agile/Scrum მეთოდოლოგია: ეს არის პროექტების მართვის მოქნილი მიდგომები, რომლებიც აქცენტს აკეთებენ თანამშრომლობაზე, სწრაფ ადაპტაციაზე და მომხმარებლისთვის ღირებულების მუდმივ მიწოდებაზე.
    • PMP (Project Management Professional) სერტიფიკაცია: ეს არის საერთაშორისოდ აღიარებული სერტიფიკაცია პროექტების მართვის სფეროში, რომელიც ადასტურებს პროფესიონალის ცოდნასა და გამოცდილებას.
    • პროექტის დაგეგმვა და განხორციელება: ეს მოიცავს პროექტის მიზნების განსაზღვრას, ამოცანების დაგეგმვას, რესურსების განაწილებას, პროგრესის მონიტორინგს და რისკების მართვას.
    • გუნდის მართვა და კომუნიკაცია: ეფექტური პროექტების მართვა მოითხოვს გუნდის წევრებს შორის კოორდინაციას, მოტივაციას და ეფექტურ კომუნიკაციას.
  • BDO Academy-ის კურსები:  Agile/Scrum, PMP, პროექტის მართვა, პროექტის მენეჯმენტი
  1. HR ანალიტიკა და ადამიანური რესურსების მართვა:
  • რატომ არის მნიშვნელოვანი: ადამიანური კაპიტალი კომპანიის ყველაზე ღირებული აქტივია. HR (Human Resources) დეპარტამენტები ტრადიციული ადმინისტრაციული ფუნქციებიდან სტრატეგიულ პარტნიორებად გარდაიქმნებიან. მონაცემებზე დაფუძნებული HR გადაწყვეტილებები (მაგ., ტალანტების მოზიდვა, შერჩევა, შეფასება, განვითარება, კომპენსაციები) მნიშვნელოვნად ზრდის ორგანიზაციის ეფექტურობას.
  • კონკრეტული უნარები:
    • HR მონაცემთა ანალიზი: ეს მოიცავს HR მეტრიკების ანალიზს, ტენდენციების გამოვლენას და ამ მონაცემების გამოყენებას გადაწყვეტილებების მისაღებად.
    • კომპენსაციებისა და ბენეფიტების მართვა: სამართლიანი და კონკურენტუნარიანი ანაზღაურების სისტემების შექმნა და მართვა.
    • ტალანტების მართვა: ნიჭიერი თანამშრომლების მოზიდვა, შერჩევა, განვითარება და შენარჩუნება.
    • შრომის სამართლის ცოდნა: შრომით კანონმდებლობასთან შესაბამისობის უზრუნველყოფა.
    • ISO 30414 სტანდარტის ცოდნა: ეს არის საერთაშორისო სტანდარტი, რომელიც განსაზღვრავს HR მეტრიკებს და ეხმარება ორგანიზაციებს, გაზომონ და გააუმჯობესონ HR პროცესების ეფექტურობა.
  • BDO Academy-ის კურსი: ადამიანური კაპიტალის სტრატეგიული მართვა ISO 30414 სტანდარტით, SPHRi, HR ანალიტიკა, HR მენეჯმენტი, შრომის სამართალი

    მსოფლიო ეკონომიკური ფორუმის “Future of Jobs Report 2025” კვლევა ნათლად აჩვენებს, რომ მომავლის შრომის ბაზრისთვის მზადება უწყვეტ სწავლას, ადაპტაციასა და ახალი უნარების მუდმივ ათვისებას მოითხოვს. ტექნოლოგიური პროგრესი, ეკონომიკური რყევები და სოციალური ცვლილებები ძირეულად ცვლის სამუშაო გარემოს, სადაც წარმატებისთვის აუცილებელია მონაცემთა ანალიზის, ხელოვნური ინტელექტის საფუძვლების, კიბერუსაფრთხოების, პროექტების მართვისა და HR ანალიტიკის ცოდნა.

    იმისთვის, რომ დარჩეთ კონკურენტუნარიანი და წარმატებით გაუმკლავდეთ ამ გამოწვევებს, აუცილებელია, მუდმივად განაახლოთ თქვენი ცოდნა და უნარები. BDO Academy, თავის ელექტრონული სწავლების მართვის (LMS) პლატფორმითა და მრავალფეროვანი, საერთაშორისო სტანდარტების შესაბამისი კურსებით, გთავაზობთ შესაძლებლობას, აუწყოთ ფეხი დროს და მოემზადოთ მომავლის პროფესიებისთვის.

წყარო:  World Economic Forum (2025). Future of Jobs Report 2025. Geneva, Switzerland.