BDO Academy-მ „თეგეტა მოტორსის“ ფინანსური და HR გუნდისთვის, თანამშრომელთა სწავლებისა და განვითარების პროექტის ფარგლებში, ჩაატარა ტრენინგები თემაზე – მონაცემთა ვიზუალიზაცია. კურსის მიზანი იყო მონაწილეებს, როგორც თეორიული, ასევე პრაქტიკული სახის სავარჯიშოებით, გაეცნოთ მონაცემთა ვიზუალიზაციის თანამედროვე საშუალება – Microsoft Power BI, როგორც ეფექტური ინსტრუმენტი ყოველდღიური სამუშაოს შესრულებისთვის.
BDO Academy-ის მიერ ჩატარებული ტრენინგის სპიკერმა და საქართველოს ბანკის საოპერაციო მიმართულების კვლევისა და განვითარების სამსახურის უფროსმა – მიხეილ გოტიაშვილმა კურსის განმავლობაში განიხილა ისეთი საკითხები, როგორებიცაა:
- მონაცემების წყაროების ტიპები
- ერთმანეთისგან განცალკევებული წყაროებიდან წამოსული მონაცემების საერთო სივრცესა და ფორმატში მოქცევა
- მონაცემების მოდელების შექმნა
- მონაცემების მომზადება ვიზუალიზაციისთვის
- ანალიტიკური პროცესის ეტაპები
- ვიზუალიზაციის სხვადასხვა მეთოდები
- ანალიტიკური მიზნის შესაბამისი ვიზუალიზაციის მეთოდის შერჩევა
- Power BI ინსტრუმენტის გამოყენებით მონაცემებით კონკრეტული ვიზუალების და ანგარიშგებების აგება.
ტრენინგის განმავლობაში განხილული იქნა სხვადასხვა ქეისები, თუმცა Case Studies გარდა, მონაწილეებმა შეასრულეს ინდივიდუალური დავალებები, რომლებიც მოიცავდა Power BI-ში ანგარიშგებების აწყობასა და პრეზენტაციის მომზადებას.
BDO Academy გთავაზობთ თქვენი კომპანიის ბიზნეს პროცესებზე მორგებული ტრენინგ-პროგრამების შექმნასა და ჩატარებას მოთხოვნის შესაბამისად.