სწავლების მეთოდოლოგია

ტრენინგი ჩატარდება სწავლების პრაქტიკული მეთოდის გამოყენებით, რაც მსმენელებს საშუალებას მისცემს პრაქტიკული მაგალითების მეშვეობით უკეთ გაიაზრონ განსახილველი თემის არსი, მნიშვნელობა და შეძლონ შეძენილი ცოდნის პრაქტიკაში გამოყენება.

სასწავლო კურსის შინაარსი

• ორგანიზაციული სტრატეგიის შემუშავება: მისიიდან და ხედვიდან კონკრეტულ, კასკადირებულ მიზნებამდე (OKR, MBO).
• შესრულების მართვის ეფექტური სისტემების დიზაინი: HR-ის როლი, პროცესები და ციკლები მიზნების დასახვიდან უკუკავშირამდე.
• შესრულების გაზომვის ინსტრუმენტები: KPI-ების, Talent Scorecard-ების და შეფასების თანამედროვე მეთოდების პრაქტიკული გამოყენება.
• ტალანტების მართვა და მოტივაცია: შესრულების შედეგების დაკავშირება განვითარების გეგმებთან, ჯილდოებთან და მემკვიდრეობითობის დაგეგმვასთან.
• სწავლისა და გაუმჯობესების კულტურის დანერგვა: უკუკავშირის მექანიზმები, თანამშრომელთა ჩართულობა და სისტემის ადაპტაცია.

თეონა კენედი

ორგანიზაციული განვითარებისა და მართვის პროფესიონალი

მმართველობის 20+ წლიანი გამოცდილების მქონე ექსპერტი. საკონსულტაციო კომპანია ,,ლიდქრაფტის” დამფუძნებელი, მშენებლობის მართვის კომპანია „CMC“-ს ადამიანური რესურსებისა და ადმინისტრაციის ხელმძღვანელი.

მისი მრავალფეროვანი გამოცდილება მოიცავს საკვანძო პოზიციებს სხვადასხვა ინდუსტრიაში, როგორიცაა საკონსულტაციო, ნავთობის იმპორტი და დისტრიბუცია, საცალო გაყიდვები, სტუმარ-მასპინძლობა, სოფლის მეურნეობა, უძრავი ქონება და სამშენებლო სფეროები. წლების განმავლობაში მართვის აკადემიის ტრენერი იყო ადამიანური რესურსების მართვის მიმართულებით, დღემდე მოწვეული ლექტორია ილიას სახელმწიფო უნივერსიტეტში. 🔗 LinkedIn

თამთა ფეტელავა

ორგანიზაციული განვითარებისა და მართვის პროფესიონალი

10+ წლიანი გამოცდილების მქონე ექსპერტი. საკონსულტაციო კომპანია ,,ლიდქრაფტის” თანადამფუძნებელი, სს „პაშა ბანკი საქართველოს“ ორგანიზაციული განვითარების დეპარტამენტის ხელმძღვანელი, ილია სახელმწიფო უნივერსიტეტის მოწვეული ლექტორი.   🔗 LinkedIn