პროექტის მართვა
თანამედროვე, დინამიურ სამუშაო გარემოში პროექტის მართვის ეფექტური უნარები აუცილებელია ნებისმიერი სფეროს საწყისი და საშუალო რგოლის მენეჯერებისთვის. თუ ოპერირებთ პროექტულ გარემოში, სადაც პროცესებისა და რესურსების გაცნობიერებული მართვა, მოქნილობა და უწყვეტი განვითარება წარმატების განმსაზღვრელი ფაქტორებია, ეს კურსი სწორედ თქვენთვისაა.
დღეს პროექტის მართვა გასცდა დავალებების მარტივ დაგეგმვასა და გუნდის მართვას. ახალი ტექნოლოგიების, მათ შორის ხელოვნური ინტელექტის (AI) ინტეგრაცია, პროექტების მართვის პროცესებს უფრო პროგნოზირებადს და ეფექტურს ხდის.
ეს კურსი დაგეხმარებათ გააუმჯობესოთ დროის, რესურსებისა და რისკების მართვის უნარები და დაეუფლოთ თანამედროვე ინსტრუმენტებს, რომლებიც პროექტების წარმატებით განხორციელებაში დაგეხმარებათ.
სასწავლო კურსის მიზნები
კურსის მიზანია სტუდენტებმა შეისწავლონ პროექტის მართვის ყველა ის კომპონენტი, რაც ინიციირებიდან – პროექტის დახურვამდე არის გასათვალისწინებელი.
კურსის განმავლობაში მოხდება როგორც პროექტის მართვის სხვადასხვა მეთოდოლოგიებისა და მათ პრიორიტეტების მიმოხილვა, ასევე ტრენინგის მონაწილეები დამოუკიდებლად იმუშავებენ ინდივიდუალურ პროექტზე, სადაც სამუშაოების გაციფრულებისთვის გამოიყენებენ ისეთ დამხმარე ინსტრუმენტებს, როგორებიცაა: Jira, Miro და სხვა.
სასწავლო კურსის აუდიტორია
- მენეჯერებისთვის, რომლებსაც სურთ, პროექტები სტრუქტურირებული გახადონ
- ბიზნესის ლიდერებისთვის, რომლებიც ეძებენ უფრო მოქნილ და ინოვაციურ მიდგომებს
- ნებისმიერი პროფესიონალისთვის, ვისაც სურს, თანამედროვე პროექტის მართვის მიდგომებს დაეუფლოს
სასწავლო კურსის სწავლის შედეგები
კურსის დასრულების შემდეგ, მონაწილეები:
- მართავენ პროექტს ინიციირების ფაზიდან დასრულებამდე, სხვადასხვა მეთოდოლოგიის გამოყენებით
- აუმჯობესებენ პროექტის პროცესებისა და რესურსების მართვას, ამცირებენ ინტუიციურ გადაწყვეტილებებს
- ფლობენ პროექტის ფარგლებში კომუნიკაციისა და ურთიერთობების მართვის ეფექტურ ტექნიკებს
- იყენებენ პროექტის მართვის თანამედროვე ინსტრუმენტებს პრაქტიკულ საქმიანობაში
- ახდენენ პროცესების გაციფრულებას, ავტომატიზირებას და ოპტიმიზაციას
- მოიპოვებენ გუნდის ნდობას, როგორც პროაქტიული და ტექნოლოგიურად განვითარებული ლიდერები
- უზრუნველყოფენ მიღებული ცოდნის დაუყოვნებლივ გამოყენებას რეალურ პროექტებში
კურსს ექნება პრაქტიკული ხასიათი. თეორიულ მასალასთან ერთად განხილული იქნება პრაქტიკული მაგალითები, რომლებშიც აქტიურად ჩაერთვებიან მონაწილეები.
სასწავლო კურსის შინაარსი
კურსი მოიცავს პროექტის მართვის ყველა საკვანძო ეტაპს ინიციირებიდან დახურვამდე, სხვადასხვა მეთოდოლოგიების და ციფრული ხელსაწყოების გამოყენებით.
- პროექტის მართვის მიდგომები – Agile, Scrum, Kanban და ტრადიციული (Waterfall) მეთოდოლოგიების შედარება და პრაქტიკული გამოყენება
- პროექტის ინიციირება და შინაარსის ფორმულირება – მიზნების დასახვა, დაინტერესებული მხარეების განსაზღვრა და საკომუნიკაციო გეგმის შექმნა
- გუნდის მართვა და მოტივაცია – ეფექტური კომუნიკაციის სტრატეგიები და გუნდური დინამიკის ოპტიმიზაცია.
- პროექტის გრაფიკისა და დინამიკის მართვა – თანამედროვე ინსტრუმენტების გამოყენება პროგრესის მონიტორინგისა და ოპტიმიზაციისთვის.
- რესურსების და ბიუჯეტის მართვა – ფინანსური დაგეგმარება, გადანაწილების ეფექტური ტექნიკები და ხარჯების კონტროლი.
- რისკების ანალიზი და მართვა – პოტენციური საფრთხეების იდენტიფიცირება და მათზე რეაგირების სტრატეგიები.
- ცვლილებების მართვა – პროექტის ადაპტაცია ახალ პირობებთან და უწყვეტი გაუმჯობესება.
- AI პროექტის მართვაში – ხელოვნური ინტელექტის გამოყენება დაგეგმვაში, რისკების ანალიზსა და ოპტიმიზაციაში.
- პროექტის მართვის ციფრული ხელსაწყოები – ClickUp, Miro და სხვა პლატფორმების პრაქტიკული გამოყენება.
- პროექტის დახურვა – საბოლოო ანალიზი, შედეგების შეფასება და შეჯამება.
თამთა ბასილაია – PMP, PMI-ACP
პროექტის მართვის კონსულტანტი და ტრენერი
მუშაობის 8+ წლიანი გამოცდილებით, სერტიფიცირებლი პროექტის მენეჯერი (PMP, PMI-ACP). თავისუფალი და აგრარული უნივერსიტეტების პროექტის მართვის მოწვეული ლექტორი.
თამთა PMI საქართველოს წარმომადგენლობის წევრია და ეწევა მოხალისეობრივ საქმიანობას, რითაც ხელს უწყობს პროექტის მართვის დარგის პოპულარიზებას საქართველოში.
ხანგძლივობა: 22 საათი
₾ ღირებულება: 1000 ლარი