კურსი აგებულია პრაქტიკულ და შედეგზე ორიენტირებულ მიდგომაზე. სწავლების პროცესში მონაწილეები ეტაპობრივად გაივლიან ყველა ძირითად ნაბიჯს ბიზნეს იდეის ჩამოყალიბებიდან სრულფასოვანი ბიზნეს გეგმის შექმნამდე. პროგრამა მოიცავს ბაზრის ანალიზისა და ბიზნესის სტრატეგიული დაგეგმვის პრინციპებს, ფინანსური მოდელირების პრაქტიკულ სამუშაოებს MS Excel-ში, ხოლო კურსის დასასრულს მონაწილეები მოამზადებენ დასრულებულ ბიზნეს გეგმას და ისწავლიან მის ეფექტურ პრეზენტაციას.

თამარ ონიანი

ფინანსური ანალიტიკოსი | Nutrimax LLC

აქვს 10-წლიანი პრაქტიკული გამოცდილება ფინანსებისა და ბიზნესის განვითარების მიმართულებით. 2022 წლიდან არის „BDO აკადემიის“ ლექტორი. 9 წლის განმავლობაში მუშაობდა „BDO საქართველოს“ კორპორაციული ფინანსების დეპარტამენტში, სადაც აქტიურად იყო ჩართული არაერთ მნიშვნელოვან ადგილობრივ და საერთაშორისო პროექტში.

მონაწილეობდა მნიშვნელოვან პროექტებში შემდეგი მიმართულებით: Enterprise Georgia (აწარმოე საქართველოში) – მცირე და საშუალო მეწარმეების განათლებისა და მხარდაჭერის პროგრამა (2024–2025), საქართველოს ინოვაციების და ტექნოლოგიების სააგენტო (GITA) – ბიზნეს გეგმის კურსი კონკურსში გამარჯვებულ ინოვატორებთან – 2024 წელი, UN Women – პროექტი: „როგორ დავიწყოთ და განვავითაროთ ბიზნესი“ – 2022–2023 წლები, მედეგი ქალი ფერმერები ძლიერი და მშვიდობიანი საზოგადოებების ასაშენებლად (ააიპ მშვიდობის კერა მანათეა  ევროკავშირისა და გაეროს განვითარების პროგრამის (UNDP) მხარდაჭერით) – ტრენინგი: „როგორ მოვამზადოთ ბიზნეს გეგმა“ – 2023 წელი, საქართველოს პროფესიონალ ბუღალტერთა და აუდიტორთა ფედერაცია (BAF) – განგრძობითი პროფესიული სწავლება (CPD): ფინანსური ანალიზი – 2022 წელი.

🔗 LinkedIn